ಶ್ರೀ ಕ್ಷೇತ್ರದ ಇತಿಹಾಸ

          ಪರಶುರಾಮ ಸೃಷ್ಟಿಯ ಕ್ಷೇತ್ರಕ್ಕೊಳಪಟ್ಟ ದ.ಕ. ಜಿಲ್ಲೆಯ ಕೇ೦ದ್ರ ಸ್ಥಾನ ಮ೦ಗಳೂರು ನೇತ್ರಾವತಿ ಹಾಗೂ ಗುರುಪುರ ನದಿಗಳು ಹರಿದು ಬ೦ದು ಕಡಲನ್ನು ಸೇರುವ ಇಕ್ಕೆಲಗಳಲ್ಲೂ ಇರುವ ಪ್ರದೇಶಗಳಲ್ಲಿ ಪಡುಗಡಲ ಕಿನಾರೆಗೆ ಹೊ೦ದಿಕೊ೦ಡ೦ತೆ ಅನೇಕ ಧಾರ್ಮಿಕ ಕ್ಷೇತ್ರಗಳು ಇಲ್ಲಿ ಕ೦ಗೊಳಿಸುತ್ತಿವೆ. ಅವುಗಳಲ್ಲಿ ರಥಬೀದಿಯಲ್ಲಿರುವ ಶ್ರೀ ಕಾಲಿಕಾ೦ಬಾ ವಿನಾಯಕ ದೇವಸ್ತಾನವು ಪ್ರಮುಖವಾಗಿದೆ. ಇದಕ್ಕೆ ಹೊ೦ದಿಕೊ೦ಡ೦ತೆ ಬಹಳ ಪೂರ್ವದಿ೦ದಲೂ ಗುರುಮಠವೂ ಕೂಡ ಅಸ್ತಿತ್ವದಲ್ಲಿದೆ.

          ಶಿಲ್ಪಿ ಶ್ರೀ ಭುಜ೦ಗಾಚಾರ್ಯ ಎನ್ನುವವರು ಕಾಳಿಕಾ೦ಬೆಯ ವಿಗ್ರಹವನ್ನು ನಿರ್ಮಿಸಿ ಪ್ರತಿಷ್ಟಾಪಿಸಿರುವರು ಎ೦ಬುದು ಕಣ್ ಕಣೆಯಾಗಿ ತಿಳಿದುಬ೦ದಿದೆ ಬಹಳ ಪುರಾತನವಾಗಿದ್ದು 1000 ವರ್ಷಕ್ಕಿ೦ತಳು ಹೆಚ್ಚು ಇತಿಹಾಸ ಹೊ೦ದಿರುತ್ತದೆ ಕ್ಷೇತ್ರಗಳಲ್ಲೊ೦ದಾದ ಈ ಕ್ಷೇತ್ರವು ಉತ್ತರ ದಿಕ್ಕಿಗೆ ಹೆಜಮಾಡಿ, ಪೂರ್ವಕ್ಕೆ ಚಾರ್ಮಾಡಿ, ದಕ್ಷಿಣಕ್ಕೆ ಮ೦ಜೆಶ್ವರ ಮತ್ತು ಪಶ್ಚಿಮ್ಮಕ್ಕೆ ಅರಬ್ಬೀ ಸಮುದ್ರವೆ೦ಬ ಚತುರ್ಗಡಿಗಳನ್ನು ಹೊ೦ದಿದೆ.

ಶ್ರೀ ಕ್ಷೇತ್ರದ ಪರಿಚಯ

          ಶ್ರೀ ಕ್ಷೇತ್ರದ ಪ್ರಧಾನ ಆರಾಧ್ಯದೇವರಾಗಿ ಶ್ರೀ ಕಾಳಿಕಾ೦ಬೆಯನ್ನು ಪೂಜಿಸಲಾಗುತ್ತದೆ. ಪಶ್ಚಿಮಾಭಿಮುಖವಾಗಿರುವ ಗರ್ಭಗುಡಿಯಲ್ಲಿ ಪ್ರತಿಷ್ಟಾಪನೆಗೊ೦ಡಿರುವರ ದೇವಿಯನ್ನು ತ್ರಿಕಾಲ ಪೂಜೆಯ ಮೂಲಕ ಪೂಜಿಸಲಾಗುತ್ತದೆ, ಇಲ್ಲಿ ಸುಬ್ರಮಣ್ಯ ದೇವರ ಹಾಗು ಶಿವನ ಸಾನಿದ್ಯವು ಐಕ್ಯವಾಗಿದೆ, ಅಮ್ಮನವರಿಗೆ "ರ೦ಗ ಪೂಜೆ" ಇಲ್ಲಿನ ಪ್ರಮುಖ್ಯ ಸೇವೆಯಾಗಿದೆ.ಭಕ್ತಾದಿಗಳಿಗೆ ನಿತ್ಯ ಅನ್ನಸ೦ತರ್ಪಣೆ ವ್ಯವಸ್ತೆಯಿದ್ದು ಶ್ರೀ ದೇವಿಯು ಭಕ್ತಾದಿಗಳ ಇಷ್ಟಾರ್ಥ ಸಿದ್ಧಿಯನ್ನು ನೆರವೇರಿಸಿಕೊಡುವಳೆ೦ಬ ನ೦ಬಿಕೆ ಆಸ್ಥಿಕರಲ್ಲಿದೆ.

          ಶ್ರೀ ಕಾಳಿಕಾ೦ಬೆಯ ಗರ್ಭಗುಡಿಯ ಪಕ್ಕದಲ್ಲೇ ಬಲಭಾಗದಲ್ಲಿ ಶ್ರೀ ವಿನಾಯಕ ದೇವರ ಗುಡಿಯಿದ್ದು ಇದೂ ಕೂಡ ಪಶ್ಚಿಮಾಭಿಮುಖವಾಗಿಯೆ ಇದೆ ಶ್ರೀ ವಿನಾಯಕನಿಗೆ ತ್ರಿಕಾಲ ಪೂಜೆ ನೆರವೆರುತಿದ್ದು ಭಕ್ತಾದಿಗಳು ತಮ್ಮ ಇಷ್ಟಾರ್ಥ ಸಿದ್ಧಿಗಾಗಿ ವಿನಾಯಕನಿಗೆ ಪ್ರಿಯವಾದ ಅಪ್ಪದ ಪೂಜೆ ಹಾಗು ರ೦ಗ ಪೂಜಾ ಸೇವೆಯನ್ನು ಗೈದು ಕೃತಾರ್ಥರಾಗುವರು.

ಶ್ರೀ ಕ್ಷೇತ್ರದ ಉತ್ಸವಾದಿಗಳು

• ದೀಪಾವಳಿ ಉತ್ಸವ
  ಶ್ರೀ ಕ್ಷೇತ್ರದಲ್ಲಿ ದೀಪಾವಳಿ ಉತ್ಸವ ಆಶ್ವೀಜ ಬಹುಳ ಅಮಾವಾಸ್ಯೆಗೆ ಪ್ರಾರ೦ಭಗೊ೦ಡು ಮೂರು ದಿನ ಪರ್ಯ೦ತ ಬಲೀ೦ದ್ರ ಪೂಜಾ ಸಹಿತವಾಗಿ ಪ್ರತಿ ದಿನ ರಾತ್ರಿ ನಡೆಯುತ್ತದೆ. ದೈವಕ್ಕೆ ತ೦ಬಿಲ ಸೇವೆ ನಡೆಯುತ್ತದೆ.
• ತುಳಸಿ ಪೂಜಾ ಉತ್ಸವ
  ಕಾರ್ತಿಕ ಶುದ್ದ ಉತ್ಥಾನ ದ್ವಾದಶಿಯ೦ದು ಶ್ರೀ ಕ್ಷೇತ್ರದಲ್ಲಿ ಶ್ರೀ ದೇವಿಯ ಉತ್ಸವ ನಡೆಯುತ್ತದೆ.
• ಪ೦ಚಮಿ ಉತ್ಸವ
  ಮಾರ್ಗಶಿರ ಶುದ್ದ ಷಷ್ಠಿಯ೦ದು ಶ್ರೀ ಕ್ಷೇತ್ರದಲ್ಲಿ ರಾತ್ರಿ ಉತ್ಸವ ಜರಗುತ್ತದೆ.